Já sumarið er yndislegt og sérsaklega fyrir húsmæður eins og mig. Já nú kunna einhverjir að spyrja sig hvað er konan eiginlega að fara en jú ég skal útskýra þetta nánar. Það er hægt að þvo fullt af þvotti í góða veðrinu, hengja hann út á snúru og taka hann þurran inn og ganga frá, allt á sama deginum. Ég er nefninlega gott dæmi um þá sem gera allt í skorpum. Þegar ég tek mig til þá geri ég allt á einum degi sem ég ætlaði að gera í síðasta mánuði. Þess vegna er góða veðrið svo rosalega gott fyrir mig

Nú annars er allt gott að frétta af mér. Loksins eru meðgöngukílóin farin og ekki seinna vænna þar sem það styttist óðum í  Costa del sol. Sumarfríið nálgast óðum en ég veit ekki hvort að ég hlakka meira til þess eða að byrja að vinna aftur í haust.  Þessi börn mín eru svo yndislegt en ætli við höfum ekki öll gott af smá fríi enda á ég einn grallara sem ég get ekki beðið eftir að fá að eyða sumrinu með. Hann fer á kostum á hverjum einasta degi. Í fyrradag kom nýtt orð, Bubbur en það er kubbur. Minn var í baði þegar Kubbur kíkti fyrir hornið og þá hreyrðist þetta í Sölva. Það er því allt að gerast á heimilinu. 

En nú er Sölvi vaknaður og þá er ekki hægt að skrifa meira í tölvunni.

En við kveðjum að sinni úr Kópavoginum

Hafið það öll gott og endilega kvittið eða kommentið.

Kveðja

Lína 

Já mín skelli sér á djammið í gær með henni Sollu og auðvitað var mjög gaman. Hann Hemmi minn var að halda upp á 25 ára afmælið sitt og það var mjög gaman að hitta nokkra af gamla genginu aftur. Svo kíktum við í bæinn og tjúttuðum aðeins. Þetta var því ótrúlegt afrek út af fyrir sig hvað við vorum lengi að.

Sölvi var hjá Brynju og það gekk eins og í sögu. Hann er farinn að berja og slá. Það er nýjasta nýtt. Hann er að verða algjör skæruliði.

En fleira var það ekki í þetta sinn.

Gleðilega páska öll sömul.

 

Kveðja

Sigurlína

Já ég er heldur betur ekki að standa mig í þessu bloggi en allt er betra en ekkert. Jæja, þá er best að byrja bara á byrjuninni. Þar sem síðasta færsla var í febrúar hefur ýmislegt á daga mína drifið. Til að byrja með átti ég stórafmæli þegar ég náið 25 ára aldrinum. Að því tilefni bauð ég nokkrum vel völdum í stofuna þar sem mikil gleði ríkti og svo tók liðið heldur betur við sér þegar ákveðið var að fara í drykkjuleik. Hver stakk upp á því??? Sá hinn sami þarf að svara til saka því útlitið var orðið heldur betur svart á tímabili. En sem betur fer þá komust allir heilir heim og tóku út öll herleg heitin daginn eftir. Það voru víst hinir alræmdu timburmenn sem heimsóttu marga á laugardeginum. En stelpur mínar, myndirnar eru enn inn á vélinni en ég fer að spíta í lófana og koma þeim á framfæri. Maður verður að leyfa fleirum að taka þátt í gleiðnni með okkur .

Nú svo skelltum við systurnar okkur til Glasgow og mikið var það ljúft. Heitt bað á hverju kvöldi og verslað og verslað á daginn ásamt því að borða góðan mat. Svona ferðir eiga að vera skylda einu sinni á ári og helst ríkisstyrktar. Ég er sannfærð um að við Gudda erum orðnir mun betri þegnar eftir afslöppun á erlendri grundu. Til að gera langa sögur stutta þá spurði leigubílstjórinn sem keyrði okkur út á völl hvort að við hefðum verið þarna í mánuð . .    hann skellihló svo þegar við sögðum honum að við værum búnar að vera í 3 daga þarna. Honum fannst víst töskurnar okkar þungar!!!! Það er greynilegt að hann tekur ekki lýsi á morgnana.

Þá er þetta nú bara komið held ég í bili. Kennslan gengur vel og nú er bara ein vika í páskafrí. Sölvi minn færir sig stöðugt meira upp á skaftið  og það liggur við að hann sér farinn að skamma mömmu sína ef hann fær ekki að gera það sem hann vill. Skápar eru sérstaklega vinsælir þessa dagana og svo heldur síminn alltaf sínu sæti. Ungi maðurinn tekur hann upp og segir halló allan daginn. Svo er hann líka farinn að segja bæ bæ og vinka þeim sem fara frá okkur, eða bara um leið og hann sér einhvern klæða sig í úlpu.

Húfur eru líka voða sport. Hann er alltaf að prófa hinar ýmsu húfur og svo labbar hann um allt og sér ekki neitt með allt of stóra húfu af pabba sínum langt niður fyrir augu. Hann er alveg yndislegur.

 

En nóg komið af blaðri. Það er heldur betur kominn tími á nýja lagagetraun og að þessu sinni hef ég snúið þekktum erlendum texta yfir á íslensku

fljúgðu á vængjum ástarinnar

fljúgðu elskan fljúgðu

 

Hafið það gott

kv. Lína

 

 

Já, við skötuhjúin skelltum okkur á djammið í gær og stóðum okkur alveg rosalega vel. Það var ekki skriðið heim fyrr en um hálf 6, og geri aðrir betur. Við komum okkur sjálfum á óvart. 

Það var hins vegar hálf undarlegt að vakna í morgun og enginn Sölvi í rúminu sínu

Hann var hjá Brynju í nótt og skemmti sér alveg konunglega.

 

En svo við vindum okkur aftur að djamminu þá var alveg svaka stuð á okkur stöllum enda ekki við öðru að búast. Við kennarastöllur fórum, ástamt Guddu systir á Players og dönsuðum þar við Papana. Það er hins vegar gaman að segja frá því að fyrsti maður sem ég sé þegar ég geng inn á players er að sjálfsögðu Illi töfra!!  Hvað er þetta með manninn stelpur!!!! Hann er alls staðar þegar við förum á djammið og það er nú ekki oft. Þetta er alveg ótrúlegt. 

Ég frétti svo seinna um kvöldið að tveir snillingar hefðu gengið mér úr greipum en þeir Ralli og Þrölli voru víst að lyfta sér upp líka í rigningunni!!!! Hver vill ekki hitta þá og rifja upp gamla tíma s.s. erobiksport og óteljandi sms skilaboð!!!!!!!!!!

 

Að lokum ætla ég að koma á framfæri óánægju minni með Papana sem KUNNA EKKI EYJALÖG!!!!

Þetta gengur ekki. Við Björg Ósk reyndum meira að segja að múta Matta söngfugli með því að lofa að greiða honum atkvæði okkar í kvöld í söngvakeppni sjónvarpsins. Hann treysti sér samt ekki í að spila neitt eyjalag.   Ég held að ég muni aldrei aftur fara á Papa ball en Björg mín . . . . . . þú ert æði og takk kærlega fyrir kvöldið stelpur og strákar.

Ég skemmti mér alveg geggjað vel.  

 

En nóg komið í bili. Best að vinda sér í lagagetraunina sem ég hef legið lengi yfir í þetta skiptið.

 

Áfram, nú við æðum af stað 

 

Góða nótt

Lína 

Já sonur minn gerði sér lítið fyrir og klifraði upp í sófa alveg einn og óstuddur. Ég var nú samt í viðbragðsstöðu og tilbúin að grípa gullið mitt en þessa var ekki þörf. Hann er alveg ótrúlegur og allt í einu finnst mér hann stækka allt allt of hratt.

Mér fannst kominn tími á nýja lagagetraun svo ég ákvað að skrifa smá pistil en ég hef nú ekki frá miklu að segja. Skólinn gengur sinn vanagang. Nú er ég á kafi í námsmati og því verða gerð skil á mánudaginn. Þá eru foreldraviðtöl.

En best að koma sér bara beint að efninu :

Hver söng svona:

með sexapeal svo fullkomið
ekki lengur letilíf

Og getið þið nú gott fólk

kv. Lína

Mín var vakin í dag kl. 6.30 á laugardeginum sem ég var búin að bíða svooooo mikið eftir. Svona er lífið yndislegt en mundi ekki breyta því fyrir fimmaur.

Sölvi er sprækur, farinn að vilja helst borða sjálfur með misjöfnum árangri en einhvern vegin verður hann að læra það. Hann fékk til dæmis banana í gær og það gekk svona glymrandi vel að borða hann. Hann er alveg í essinu sínu þessa dagana fyrir utan svona morgna þar sem allt er ómögulegt og ungi maðurinn mjög ósáttur að fá ekki bara allt sem hann sér og langar í.

Hann er farinn að ganga um allt og finnst hann voða flottur. Við vorum í Rúmfó í gær þar sem við heimsóttum Ingó og viti menn, Sölvi tók á rás þegar hann sá pabba sinn og vildi helst hlaupa til hans en litlir fætur leyfðu það ekki. Þetta var samt alveg rosalega sætt. Svo sá hann líka konu þarna sem var að prófa stól og mínum leist svona rosavel á kelluna að hann bara gekk til hennar og heimtaði að fá að koma til hennar. Hún tók hann í fangið og hann sat hjá henni í þó nokkurn tíma. Hann er alla vegana ekki mannafæla eins og mamman var. Konan var sannfærð um að hann hefði fundið á sér hvar hún vinnur, en hún vinnur á leikskóla.

Annars er ég bara búin að vera rosalega dugleg í ræktinni og váá  hvað maður finnur fljótt mun á líkamlegu ástandi sínu. Þetta er alveg ótrúlega fljótt að koma. Svo gengur mataræðið líka vel svo að viktin þokast í rétta átt. Gæti ekki verið betra. Að sjálfsögðu á ég mér dygga stuðningsmenn sem mæta með mér  í hnébeygjur og púl en það eru þær Brynja og Gunnur. Takk fyrir það stelpur mínar.

En þá er komið að því sem allir hafa beðið eftir, lagagetraunin, sem hljóðar svo

tínum döðlur

tökum daginn snemma í nótt.

Já getið þið nú gott fólk.

kv. Lína

Já ég var ánægð með fjölda þátttakenda í minni síðustu gátu. Þeim fjölgaði skart of fóru úr  einum í þrjá. Ég verð hins vegar að hætta núna þar sem Sölvi vill ólmur fá að skrifa nokkur orð en get ekki hætt án þess að koma með nýjan lagstúf.

Hann saknaði alla tíð stúlkunnar
og mynd hennar stöðugt í hjarta hann bar.

kv. Lína

Já það rignir inn svörum við laga gátunum mínum svo ég má hafa mig alla við.

En nú er helgin komin og þá fær maður að sofa til 9. Voða ljúft alltaf en fyrst þarf að klára kvöldið í kvöld þar sem ég mínar fjöllur munum etja kappi við Haukana. Það verður fjör að sjá það og örugglega hörkuleikur framundan.

Lagagetraun dagsins:

Ég hef fengið miklu meira en nóg af
konum sem að lofa
loks þær vilja bara sofa
eina nótt hjá mér


kv. Lína

Já það stóð ekki á svari við getraun minni og að sjálfsögðu er þetta eyjalagið!!!!
Ég er þér alveg sammála Solla mín og svo er það bara kaffi hjá Gunni á sunnudaginn. Ég var að velta því fyrir mér hvort að Steindór vilji ekki vera á snjóþotu með okkur ef snjórinn helst ekki. Ég er alla vegana með eina slíka í skottinu Sólveig María ef þú vilt. Þeir félagar geta eflaust verið saman á henni ef það verður hlýtt því annars verður Sölvi bara í kerrunni.

En nú verður þetta aðeins þyngra svo að þið, lesendur  góðir getið þjálfað heilann.

Mér varð á og þungan dóm ég hlaut, ég villtist af réttri braut.
og gettu nú!!!!!

Kv. Lína kennslukona

Gleðilegt nýtt ár öll sömul og takk kærlega fyrir það gamla. Það er alveg ótrúlegt hvað tíminn líður hratt.

Af mér er allt gott að frétta. Það er soldið erfitt að byrja aftur eftir jólin og fríið sem þeim fylgdi en jafnframt gott að fá aftur rútínu á heimilið.
Ég fékk bókina í matinn er þetta helst í jólagjöf og hef verið að prófa hina ýmsu rétti úr henni og vááá mmmmmm það er sko bara veislumatur á þessu heimili á hverju kvöldi núna

Sölvi er alltaf að stækka og þroskast og hefur verið að fara á kostum síðastliðna daga. Hann vaknar á morgnana og smellir saman vörum (það þýðir að hann vill fá koss) og er alltaf að knúsa mann og kyssa.
Er hægt að byðja um það betra
Nei ég er alveg viss um það.

Sölvi er líka farinn að babbla alveg á fullu. Hann skoðar myndir í bókum og talar við sjálfan sig í leiðinni. Svo er líka voðalega flott og skemmtilegt að pota í naflann á pabba sínum. Sama hversu oft Ingó setur bolinn sinn niður, honum er bara lyft upp aftur og naflinn fundinn. Svo skríkir Sölvi alveg á fullu og skelli hlær.

Lífið er yndislegt sjáðu . . . . . . það er rétt að byrja hér.
úr hvaða lagi er þetta svo . . . ?


Kv. Lína

Já veðrið þessa dagana er nú ekki beint til að hrópa húrra fyrir. Það er hins vegar ekkert nýtt af nálinni hér á klakanum svo að maður ætti að vera farinn að venjast þessu. Ég væri nú samt alveg til í smá snjó, ekki mikinn, bara smá þið vitið.
Annars er ég búin að hafa það alveg rosalega gott yfir jólin og mér finns synd að þau séu að verða búin, þ.e. jólafríið. Merkilegt hvað þessi frí líða alltaf hratt.
Nú svo er árið líka að klárast. Þetta hefur verið annasamasta ár í mínu lífi þar sem Sölvi hélt mér við efnið. Ég bara skil ekki alveg hvað ég gerði áður en hann fæddist? Úfff allur þessi frítími. . . . . . . . . . en ég bjargaðist .

Svo er bara að taka 19. janúar frá þar sem mín ástkæra hljómsveit, Sóldögg verður á players. Það verður sko blásið til fagnaðar af því tilefni enda langt síðan þeir spiluðu síðast og ég mun lofa því að Lína mun sletta úr klaufunum það kvöldið. Eins gott kæru vinir að þið séuð til í tuskið með mér því einhver verður að hafa vit fyrir mér á stundum sem þessum.

En ég hef voða líti að segja, ég held bara að það fari að líða að því að ég kveðji þennan bloggheim fyrir fullt og allt.
Ég bara lifi ekki nægilega viðburðarríku lífi til að blogga.
En hafið það gott
kv.
Lína andlausa

Já það eru sko sannarlega orð að sönnu. Ég stend mig engan vegin í þessum bloggheimi þar sem ég hef nóg annað að gera í jólaösinni. En batnandi mönnum er best að lifa er það ekki ?
Ég er nú vel stödd í jólastressinu og flest allar jólagjafirnar eru tilbúnar, innpakkaðar og fínar en það verður ekkert skrautband í ár. Ég bara klikkaði algjörlega á fíneríinu. Ég vona að þið fyrirgefið mér  þetta kæru vinir og kunningjar sem verðið þeirrar gæfu aðnjótandi að fá fallega gjöf frá mér.
Jólakortin eru svo í vinnslu og ættu að verða komin í póst á miðvikudaginn, ekki seinna vænna, og þegar það er búið þá er það bara þrifin og svo mega jólin koma. Ég er þó alfarið á móti skápahreingerningum, fékk alfarið nóg af þeim ein jólin heima. Úffff ég fékk þá flugu í hausinn önnur jól eftir að mamma og pabbi skyldu að ég þyrfti nú að þrífa allt hátt og lágt til að jólin yrðu ekki annars flokks hjá mér. Viti menn, ég þreif og þreif og loksins þegar jólin komu var ég búin að þrífa svo mikið að ég var með algjört ógeð á jólunum. Eftir þetta hef ég sett mér það njóta jólanna, þrátt fyrir skítugan pottaskáp og óreglu í fataskápnum.
Á jólunum á maður að slaka á!!!!!!!!

Jæja þá er þetta gott í dag.
bið að heilsa og munið að ofgera ykkur ekki í hreingerningunum. Það mun örugglega enginn kíkja í skápana nema þið sjálf.
Kveðja
Lína

Já mín var að koma úr geggjuðum bílskúr í Mosó. Þar var keyptur heill hellingur af föndurmálningu og leir og ýmsu öðru dóti sem ég get bara ekki líst hérna. Þetta er algjör paradís á jörðu og mín verður bara að föndra og mála þessa helgi. Það fá allir heimatilbúið jólakort frá mér þessi jólin.

Svo eru það stórfréttirnar, Sölvi tók fyrstu skrefin sín í gær og margfaldaði alveg fjöldan strax í dag. Ooooooh lífið er svo æðislegt og prinsinn minn er að verða svo fullorðinn.

Svo er það sálin í kvöld ...... með vel völdum djammfélögum úr Rúmfó ásamt Kút og Dóru. Sölvi ætlar að fá að gista hjá Brynju og strákunum í nótt. Hann er orðinn alveg eldhress eftir veikindin svo að það verður vafalaust stuð á heimilinu í Árbænum í nótt.

Næsta mál á dagskrá er leikurinn í gær.

Það er ekkert um hann að segja

Að lokum er það svo bara afmælisbarn morgundagsins en það er hann Ingó minn og svo er það auðvitað hún Sara Líf sem á afmæli í dag.

Til hamingju með daginn "frænka"

En takk í bili

Kv. Lína

Já, Sölvi er enn hálf slappur en vona að hann verði góður á morgun. Ég verð gráti næst ef ég missi morgundaginn úr vinnu. Við erum að fara í leikhús og allt og svo er bara svo langt síðan ég sá "börnin´" mín síðast. Einn er meira að segja orðinn stóri bróðir og það er sko ekki á hverjum degi sem það gerist.

En annars var helgin bara nokkuð góð. Það var pönnsu veilsa hér á laugardaginn, pabbi, Aðalsteinn, Gudda og Brynja og co. komu og gæddu sér á ljúfengum pönnukökunum sem Ingó sá alfarið um að útbúa. Ekki amalegt, að eiga svona góðan mann.

En nú á að taka sér tak og mæta í ræktina í næstu viku. Og ekki bara segja það, heldur gera það líka.

Hafið það sem allra best

Kveðja

Lína

Já blessuð helgin er komin og þá verður drengurinn veikur. Þessi fríhelgi verður því mjög skemmtileg.

En skrifa meira seinna, frábæru 4 eru komin í heimsókn að stytta mér stundir.

Kveðja

Lína